Աշխարհում ծովահենության մակարդակը նվազում է երրորդ տարին անընդմեջ: Միջազգային ծովային բյուրոյի հետազոտության տվյալներով՝ 2013-ին ծովահենության մակարդակն ամենացածրն է եղել վերջին 6 տարվա մեջ: Այս մասին հայտնում է RBK-ն:
Այսպիսով՝ 2013-ին գրանցվել է 264 ծովահենային հարձակում, ինչը 40 տոկոսով ցածր է 2011-ի ցուցանիշից: Սոմալիում ծովահենությունը հասել է գագաթնակետին: 2013-ին գրանցված հարձակումներից 15-ը տեղի են ունեցել Սոմալիի սահմաններից դուրս, մեկ տարի առաջ ցուցանիշը եղել է 75, իսկ 2011-ին՝ 237:
2013-ի տվյալներով՝ ծովում պատանդվել է ավելի քան 300 մարդ, վնասվածքներ ստացել 21-ը՝ մեծամասամբ հրազենային և դանակային:
Ընդհանուր առմամբ առևանգվել է 12 նավ, 202 նավ գրավվել է, 22 նավ գնդակոծման ենթարկվել, 28 նավի դեմ իրականացվել են գրավման փորձեր:
Ամենադաժանը եղել են նիգերիացի ծովահենները: Նրանք փրկագնի ստացման համար սպանել են 1, պատանդ վերցրել 36 մարդու:
