Չինաստանի Գուանդուն նահանգում իշխանությունները ձերբակալել են 7 մարդու, որոնք պահել են ոչխարի մսի ընդհատակյա անորակ արտադրություն, հայտնում է Reuters-ը՝ հղում անելով տեղական հեռուստատեսությանը:
Պահեստում օրական սպանդի է ենթարկվել 100 ոչխար, իսկ սպանդից հետո կենդանիների մսի մեջ ներարկել են հարևան լճակից կեղտոտ ջուր, ինչը ավելացրել է նրանց քաշն ու թույլ է տվել ավելի շատ գումար աշխատել մսի վաճառքից:
Ոչխարի միսը վաճառվել է նահանգի խոշոր քաղաքների շուկաներում, խանութներում ու ռեստորաններում: Ամեն կենդանու մեջ ներարկվել է մինչև 6 կգ ջուր:
