ԱԺ ՀՀԿ խմբակցության քարտուղար Գագիկ Մելիքյանը Նիկոլ Փաշինյանի քայլարշավը համարում է արկածախնդրություն․ «Ես ընդհանրապես չեմ դատապարտում, կուզենայի այն լիներ քաղաքական նախաձեռնություն, սակայն այդ քայլը ուխտագնացություն է»,-«Առաջին լրատվական»-ի հետ զրույցում նկատեց Գագիկ Մելիքյանը:
ՀՀԿ-ական պատգամավորը ափսոսանք հայտնեց, որ ընդդիմությունն այսօր միասնական չէ․ «Ափսոսում եմ՝ քաղաքական ընդդիմությունը գնում է ինքնաոչնչացման ճանապարհով: Ինչ-որ ուժեր պարտադրում են գնալ այն ճանապարհով, որն ընդունելի չէ: Այնպես չէ, որ մենք ցանկանում ենք պայքարել ընդդիմության դեմ, մենք ցանկանում ենք ունենալ կառուցողական ընդդիմություն, որը կօգնի մեզ ճիշտ աշխատել, չենք ցանկանում, որ ընդդիմությունը պայքարի ընդդիմության դեմ, դա արդեն քաղաքական կազուս է»:
Մելիքյանը նաև վստահություն հայտնեց, որ Նիկոլ Փաշինյանին չի հաջողվի շրջափակել ԱԺ շենքը․ «Ելք-ը ասում է, որ ելք կա, բայց իրականում ելք չկա: Չի կարելի քաղաքական նպատակները վերածել աթոռակռվի»:
