Ուկրաինայի «Բատկիվշչինա» ընդդիմադիր խմբակցության առաջնորդ Արսենի Յացենյուկը համոզված է, որ Ուկրաինայի նախագահ Վիկտոր Յանուկովիչը Ռուսաստանից «առևտրի միջոցով ստացել է» 20 միլիարդ դոլար, որի մի մասը կօգտագործվի 2015թ. Ուկրաինայի նախագահական ընտրությունների անցկացման համար: Այս մասին հաղորդում է Interfax-ի ուկրաինական ծառայությունը:
«Մենք կարող ենք հստակ գրանցել, որ Ուկրաինայում ընտրություններում արդարություն և թափանցիկություն չի լինի: Եվ դա Վիկտոր Յանուկովիչի և Վլադիմիր Պուտինի միջև համաձայնագրի մի մասն է, այդ պատճառով խոսքը պետք է գնա հակաուկրաինական ռեժիմի դեմ պայքարի մասին»,- ասել է Յացենյուկը:
Նրա խոսքերով՝ նախագահ Յանուկովիչն իր և իր մոտ շրջապատի համար իբր հասել է գազի գնի նվազման և «առևտրի միջոցով ստացել է» 20 միլիարդ դոլար, որի կեսը կգողանան, իսկ մյուս կեսն էլ կծախսեն ընտրությունների վրա, որպեսզի Յանուկովիչը կեղծի դրանք:
