Իսրայելի և Սաուդյան Արաբիայի հատուկ ծառայությունները Իրանի վրա հնարավոր հարձակման համատեղ ծրագրեր են մշակում, եթե Իսլամական Հանրապետության միջուկային ծրագրի զարգացումը չդադարեցվի համաձայնության արդյունքում, որին կարելի է հասնել Թեհրանի և «վեցյակի» հետ բանակցություններում: Այս մասին գրում է The Sunday Times-ը:
Թերթի տվյալներով՝ Սաուդյան Արաբիայի և Իսրայելի կառավարությունները վստահ են, որ Ժնևում միջազգային բանակցություններն ավելի շատ նման են Իրանի հետ հաշտեցման քաղաքականության:
Էլ-Ռիադը իբր նույնիսկ Իսրայելին թույլ է տվել օգտագործել իր օդային տարածքը, եթե վարչապետ Բենիամին Նեթանյահուն ռազմական գործողության որոշում կայացնի:
«Սաուդյան Արաբիան պատրաստ է Իսրայելին տրամադրել ցանկացած անհրաժեշտ օգնություն»,- թերթին հայտարարել է անանուն դիվանագիտական աղբյուրը:
