Apple-ի iPhone X առաջատար մոդելի սմարթֆոնի տերերը զանգվածայնորեն գանգատվում են մտնող զանգերի ընդունման հետ կապված խնդիրներից: Այդ մասին գրում Է Financial Times թերթը:
Հարյուրավոր օգտատերեր զանազան համաժողովներում պնդում են, որ սարքի դիսփլեյը մի քանի վայրկյանի ընթացքում չի արտացոլում մտնող զանգի մասին տեղեկատվությունը՝ չնայած այն բանին, որ ձայնային ազդանշանը գալիս Է: Դա օգտատիրոջը հնարավորություն չի ընձեռում սեղմելու վիրտուալ կոճակը, ինչն անհրաժեշտ Է կանչին պատասխանելու համար:
Apple-ը հայտնել Է, որ ուսումնասիրում Է ծագող խնդրի վերաբերյալ հաղորդումները: Canalys վերլուծական ընկերության գնահատումների համաձայն՝ 2017 թվականի չորրորդ եռամսյակում Apple-ը վաճառել Է 29 միլիոն Phone X, սարքը դարձել Է ամենապահանջվող սմարթֆոնը նախասուրբծննդյան ժամանակաշրջանում: Apple-ն ինքը հայտարարել Է, որ iPhone X-ն iPhone-ի ամենաակտիվ վաճառվող մոդելն Է, հաղորդել Է «Ինտերֆաքս»-ը:
