«Խաչակիր» ՀԿ-ի նախագահ, ազատամարտիկ Գագիկ Սարուխանյանը, խոսելով Շանթ Հարությունյանի նախագծած հեղափոխության և Մաշտոցի պողոտայի դեպքերի մասին, նշեց, որ եթե այսօր Շանթին լռեցնեն, վաղը կհայտնվի մեկ ուրիշ Շանթ. «Շանթն ընդամենը իր տոմսը չառավ և չարտագաղթեց Հայաստանից: Եթե ոչ արտագաղթ, ապա պիտի այդ քայլին դիմել: Այսօր շատ հեշտ է մեղադրել մի մարդու, ով ինքնահրկիզման կգնա կամ կամրջից ցած կգցվի, բայց սրա համար միանշանակ մեղավոր էին իշխանությունները»:
«Առաջին լրատվական»-ի հետ զրույցում Գագիկ Սարուխանյանը նշեց, որ իշխանությունները թույլ տվեցին՝ ինքն իր իբր սխալ քայլն անի, բայց այն, ինչ կատարվեց, կատարվեց սադրիչների միջոցով. «Ամսի հինգից հետո, Շանթից հետո մենք ապրում ենք այլ Հայաստանում: Բայց ափսոս էր Շանթը, որովհետև նրանից շատ բան կար սովորելու: Ես անձամբ ավելի հակված եմ հավասարակշռված քայլերի, որովհետև Սահմանադրությամբ հնարավոր է իշխանափոխություն, դրա համար պետք է սթափ գիտակցություն և համախմբում: Այլ դեպքում կլինեն շանթեր, և արյուն կհոսի»:
Մանրամասները դիտեք տեսանյութում:
