«Մեր կատարած ուսումնասիրությունները ցույց են տվել սեռական հանցագործությունների թվի աճ, և, ցավոք սրտի, Հայաստանում այսօր մեծ թիվ են կազմում տուժող երեխաները»,- այսօր կազմակերպված քննարկման ժամանակ ասաց Քննչական կոմիտեի դեպարտամենտի իրավական ապահովման և վիճակագրական վարչության պետ Դավիթ Թումասյանը։
Նրա խոսքով՝ 2016-ին արձանագրված սեռական բռնությունների հետևանքով 115 երեխա է տուժել, ինչը նախորդ տարվա համեմատ մոտ 25 տոկոս աճ է գրանցել։
Թումասյանի խոսքով՝ իրենց ուսումնասիրությունները ցույց են տալիս, որ սեռական բռնությունների դեպքերը հիմնականում մարզերում են լինում։ Եվ դեպքեր են արձանագրվել, որ տուժողները ոչ թե իգական սեռի ներկայացուցիչներ են, այլ արական։ Անցած տարի սեռական բռնության հետևանքով 11 արական սեռի տուժող է եղել։
Դավիթ Թումասյանի խոսքով՝ երեխաները սեռական բռնության են ենթարկվում նաև ընտանիքի ներսում՝ հոր, խորթ հոր, այլ հարազատների կողմից։
Առավել մանրամասն՝ տեսանյութում:
