«Չի կարելի այդպես անհեռատեսորեն, մանավանդ նման հանցավոր և տգետ ձևով մոտենալ պետական քաղաքականության հիմնական առանցքներին: Ինչո՞ւ հենց լեզուն… Ռուսաստանի արտաքին քաղաքականության մեջ ռուսախոս բնակչության պաշտպանությունը տանկերի, հրթիռների, ռազմաբազաների միջոցով միշտ եղել է Ռուսաստանի դիվանագիտական պատրվակը ռազմական էքսպանսիայի համար»,- «Առաջին լրատվական»-ի հետ զրույցում ասաց հրապարակախոս, քաղաքագետ Անուշ Սեդրակյանը՝ անդրադառնալով Վոլոդինի առաջարկին՝ Հայաստանում ռուսական լեզվին պետական կարգավիճակ տալուն:
Նրա խոսքով՝ կա ԵԱՏՄ կանոնադրություն, և եթե ՌԴ-ն խախտում է այդ կանոնադրությունը, դրա միակ քայլը ԵԱՏՄ-ից դուրս գալն է: Անդրադառնալով Էդմոն Մարուքյանի՝ ԵԱՏՄ-ից դուրս գալու առաջարկին՝ նա նշեց. «Պատրաստ եմ աջակցել այդ նախաձեռնությանը իմ ուժերի ներածին չափով»,- ասաց Անուշ Սեդրակյանը: Նրա խոսքով՝ այս նախաձեռնության բարձրաձայնումը կարևոր է նրանով, որ մեր խորհրդարանականների մեջ կան մարդիկ, ովքեր պատրաստ են այսպիսի քայլ անել:
Հարցազրույցն ամբողջությամբ՝ տեսանյութում:
