Քննարկումներ պետք է լինեն, որպեսզի յուրաքանչյուր պատգամավոր, ԱԺ յուրաքանչյուր մարմին հստակ իմանա իր գործռույթները և պատասխանատվությունը տարբեր իրավիճակներում, այդ թվում նաև այնպիսի իրավիճակներում, որոնք կարող են կապված լիներ ռազմական դրության, պատերազմական վիճակի սրացման հետ։ Այս մասին այսօր Ազգային ժողովում ասաց Ներքին գործերի, ազգային անվտանգության և պաշտպանության մշտական հանձնաժողովի նախագահի թեկնածու Կորյուն Նահապետյանը:
Անդրադառնալով ՀՀԿ խմբակցության պատգամավոր Շուշան Պետրոսյանի դիտարկմանը, թե մամուլում երբեմն անթույլատրելի տեղեկություններ են տարածվում կապված ՊՆ-ի հետ՝ Նահապետյանը նշեց. «Վերջին տարիներին պետք է ուրախությամբ նկատենք, որ այս բնագավառի թափանցիկությունն ավելացել է։ Պաշտպանության նախարարությունն ավելի շատ տեղեկություններ է հրապարակում, քան նախկինում։
Դրա հետ մեկտեղ քիչ չեն հրապարակումները, որոնք պարունակում են պետական գաղտնիք, կամ վնաս են հասցնում առաջնագծում կանգնած զինվորին»,- նշել է Նահապետյանը և արձանագրել, որ խնդիր կա նաև խորհրդարանում։ Նա հիշեցրել է, որ անցած տարի տեղի է ունեցել փակ քննարկում, որից հետո փակ քննարկման տեղեկությունները տարածվել են մամուլում։
Մամուլի նյութերի հետ կապված անելիքներ ունենք՝ որևէ կերպ չսահմանափակելով մամուլի ազատությունը, բայց ուղղորդելով մամուլին, որ մեր ազգային անվտանգությանը վնասող և սպառնալիք հանդիսացող տեղեկություններ չտարածվեն»:
Շուշան Պետրոսյանն արձագանքեց՝ նշելով, որ որոշ հրապարակումների հետևանքով կոնկրետ մարտական գործողություններ են խափանվել, որոնց մասին ԱԺ-ում չցանկացավ բարձրաձայնել։
Մանրամասները՝ տեսանյութում:
