Ճապոնիայի վարչապետ Սինձո Աբեն հայտարարել է, որ իր երկիրը կնվազեցնի կախվածությունը ատոմային էներգիայից՝ Տոկիոյում կայանալիք 2020-ի Օլիմպիական խաղերի նախաշեմին: Այս մասին հաղորդում է Ria Novosti-ն:
Աբեի խոսերով՝ «Ֆուկուսիմա-1» ԱԷԿ-ի վթարի հետևանքները ոչ մի խնդիր չեն առաջացնի և չեն սպառնա մարզիկների առողջությանը: «Առողջության հետ կապված ոչ մի խնդիր չի լինի: Կառավարությունն արդեն մշակել է համապատասխան ծրագիր՝ այս խնդիրն ամբողջությամբ լուծելու համար, ու սկսել է այն կյանքի կոչել»,- ասել է վարչապետը: Նա նաև խոստացել է առավելագույնս ընդլայնել էներգիայի աղբյուրները և էլեկտրաէներգիան տնտեսելու ակտիվ քարոզչություն արել:
Բացի այդ, Աբեն ենթադրել է, որ Տոկիոյի Օլիմպիադան «կխթանի երկրի տնտեսությունը դեֆլյացիոն փուլից դուրս բերելու համար, որը ձգվում է արդեն 15 տարի»: Օլիմպիադայի ժամանակ հավաքված գումարների հաշվին նախատեսվում է նաև վերացնել 2011-ի բնական-տեխնիկական աղետների հետևանքները:
