Տուրիստական գործակալություններում վաճառվող ամենաթանկ տոմսերը Մոսկվայի, Մինսկի ուղղություններն են. տոմսի արժեքը սկսվում է 570 հազար դրամից: Այս մասին տեղեկացանք «Իզիտուր» տուրիստական գործակալությունից: Իսկ մեր այն հարցին, թե ինչո՞վ է դա պայմանավորված՝ նշեցին, որ բացատրություն չունեն: Հարկ է նկատել, որ տուրիստական գործակալության փոխանցմամբ՝ թանկ են նաև Ֆրանսիայի տոմսերը, քանի որ այնտեղ հանգստի թեժ շրջան է, ուստի ազատ են մնացել միայն ամենաթանկ հյուրանոցները:
Այս տուրիստական գործակալությունից նաև տեղեկացրեցին, որ թեև հանգստյան պատվերներ ընդունում են, բայց առայժմ հիմնականում զանգերով են հետաքրքրվում առաջարկվող ուղղությունների և գների մասին: Ինչ վերաբերում է ամենամատչելի տոմսերին՝ տուրիստական գործակալությունում նշեցին, որ ամենաէժան չկա, քանի որ բոլորն էլ թանկ են: Իսկ համեմատական կարգով մատչելի են համարվում Անթալիայի, Բուլղարիայի, արաբական երկրների տոմսերը:
Նախորդ տարիների համեմատ, այս տարի Վրաստանով քիչ են հետաքրքրվում:
