Porsche ավտոմեքենայի սիրահար, ճապոնացի Տոշիհիրո Կիմուրան իր տունը կառուցել է մեքենայի շուրջը: Այսպիսով՝ այժմ նա տեսնում է իր Porsche 911-ը երկհարկանի տան ցանկացած կետից՝ խոհանոցից, ննջարանից և այլն:
Տունը կառուցված է այնպես, որ ցանկացած կետից հնարավոր լինի մեքենային հետևելը: Դեպի մեքենան բացվող տեսարանները նրան թույլ են տալիս ընթրել և միաժամանակ լիցքաթափվել: Կինը չի գանգատվում: Այս մասին հայտնում է MigNews-ը:
Տղամարդը նշել է, որ ամբողջ կյանքում կպաշտի այդ տունն ու ավտոմեքենան: Հնարավորության դեպքում նա մտադիր է կառուցել երկրորդ, նույնիսկ երրորդ տունը՝ կրկին Porsche-ի շուրջը:
Bloomberg-ի տվյալներով՝ ճապոնացու տունն արժե մոտ կես միլիոն դոլար: Իսկ այդ մոդելի ավտոմեքենայի արժեքը սկսվում է 140 հազար դոլարից:
