Փոքր և միջին ձեռնարկությունների մի քանի ներկայացուցիչներ համախմբվել և դիմում-պահանջագիր են ներկայացրել վարչապետ Կարեն Կարապետյանին: «Առաջին լրատվական»- ի հետ թեմայի շուրջ զրույցում «ՀՀ-ում ուղևորափոխադրումների կազմակերպում» ՀԿ նախագահ Պողոս Օղլուկյանը մանրամասնեց. «Վարչապետին նամակ էինք հղել, որով առաջարկել էինք կառավարությանը կից հասարակական խորհուրդ ստեղծել: ՓՄՁ-ներին վերաբերող 24 կետից բաղկացած նամակ էինք ուղղել նաև ՀՀ նախագահին: Դեռևս պատասխան չկա:
Պ. Օղլուկյանի խոսքով՝ հանարապետությունում անհավասար դաշտ է ստեղծվել. ««Յանդեքսն» ու gg-ին խփում են գործին, լիցենզավորված վարորդները տուժված են: Առաջարկ ենք ներկայացրել վարորդների լիցենզավորման կարգը վերացնելու վերաբերյալ: Մենակ բառերով և օրենքներ գրելով չի, բազմիցս օրենքներ են գրվել և չեն կատարվել, և ոչ ոք պատասխանատվության չի ենթարկվել, թե ինչու չեն կատարվում և ինչու են անընդհատ փոփոխվում: Օրինակ՝ վարորդների լիցենզավորման կարգը 7 տարում 4 անգամ փոխեցին, մարդկանց գցեցին պարտքերի տակ:
Հարցնում եմ՝ լիցենզավորումն ինչի համար է պետք, ինձ պատասխանում են՝ ամբողջ աշխարհում ընդունված է: Բայց ամբողջ աշխարհում ընդունված է, որ մարդիկ կուշտ քնեն, ոչ թե սոված, ընդունված է, որ 1500-2000 դոլար կամ եվրո ստանան, ոչ թե 30000 դրամ թոշակ, որով միայն կոմունալ վճարներ են կատարում»,- նշեց Պ. Օղլուկյանը՝ հավելելով, որ երկրում ստեղծված իրավիճակի պատճառով ով ճար ունի հեռանում է երկրից, իսկ ով չի հեռանում, ուղղակի հնարավորություն չունի:
Մանրամասները՝ տեսանյութում:
