ԿԸՀ նախագահ Տիգրան Մուկոչյանն այսօր լրագրողների հետ զրույցում անդրադարձավ ՏԻՄ ընտրություններին և իր «թվանկարչությամբ զբաղվելու» վերաբերյալ գնահատականներին: «Այս քննարկումներին մասնակցում էին տարբեր քաղաքական ուժի ներկայացուցիչներ, տրվեցին գնահատականներ, եթե լույթներով ընդհանրացնենք հնչած կարծիքները, հստակեցվեց այն, ինչ մենք ասում էինք՝ ԿԸՀ-ում որև թվանկարչություն չի իրականացվում: Առիթ եմ ուցել բազմիցս նշելու, որ քվեարկության արդյունքները ձևավորվում են տեղամասային ընտրական հանձնաժողովներում, փոխանցվում են ԿԸՀ, դրանք հրապարակվում են ԿԸՀ համացանցային կայքում, և հետևելը, թե այդ ընթացքում առկա է արդյոք փոփոխություն թե ոչ, իրենից որևէ բարդություն չի ներկայացնում: Փաստը մեկն է՝ տեղամասում արձանագրված քվեարկության արդյունքի և ԿԸՀ հրապարակած տվյալի միջև տարբերություն չի լինում»,- նշեց Տ. Մուկուչյանը
Հարցին, թե ինչու վստահություն չկա ԿԸՀ-ի նկատմամբ՝ Տ. Մուկուչյանը նշեց. «Ըստ էության վստահության առումով պետք է շատ ավելի լայն դիտարկում իրականացնել:
Մինչև առաջիկա ԱԺ ընտրությունները բավականաչափ ժամանակ ունենք, բայց արդեն հնչում են տեսակետներ, կարծիքներ՝ կապված անգամ այդ ընտրությունների հետ, պիտակավորումներ են տրվում: Այսինքն՝ կարծում եմ, անելիք կա ոչ միայն հանձնաժողովների առումով, այլ անելիք ունեն նաև քաղաքական ուժերը, որովհետև վերջիններիս նշանակումներով են նաև ձևավորվում ՏԻՄ-երը»:
Մանրամասները՝ տեսանյութում:
