China.org կայքի փոխանցմամբ՝ Քեյփթաունում (Հարավային Աֆրիկա) 41-ամյա Սիրաահ Աբրահամը կրծքին հարված է ստացել երկու մետր հեռավորությունից, սակայն վերահաս մահից տղամարդուն փրկել է սմարթֆոնը։
Հաղորդվում է, որ Աբրահամը դարձել է կողոպտիչների բանդայի զոհ, որը փորձել է նրան հանել իր տան մոտ կայանված ավտոմեքենայից։
Վեճի ժամանակ հարձակում գործածներից մեկը հանել է ատրճանակն ու կրակել է Աբրահամի վրա։
Հարվածը եղել է ուժեղ և մի քանի վայրկյանով դադարեցրել է տուժածի սրտի աշխատանքը։ Սակայն Huawei P8 Lite սմարթֆոնի շնորհիվ, որը գտնվել է տղամարդու գրպանում, նա ողջ է մնացել։
Տղամարդուն իր ավտոմեքենայի մոտ ընկած վիճակում հայտնաբերել է նրա դուստրը և բժիշկ է կանչել, և Աբրահամին տարել են հիվանդանոց։ Պարզվել է, որ գաջետը կարողացել է կանգնեցնել փամփուշտը՝ չնայած մետաղական հիմնակմախք չունի։
