Ուկրաինայի գլխավոր դատախազ Յուրի Լուցենկոն հայտնել է, որ ՆԳՆ ղեկավար Արսեն Ավակովի դեմ քրեական գործ է հարուցվել: Այս մասին հայտնում է lb.ua-ն:
«Ես օրական ստանում եմ (նամակներ) մեկուկես տասնյակ մարդկանցից, այդ թվում՝ (Ուկրաինայի Կոռուպցիայի դեմ պայքարի կենտրոնի ղեկավար Վիտալի) Շաբունինից, որի նամակով նույն կերպ քրեական գործ է հարուցել, դուք չեք հավատա ում դեմ՝ ՆԳՆ ղեկավար Ավակովի դեմ, քանի որ բոլորը հավասար են»,- ասել է Լուցենկոն երեքշաբթի «Լեվիյ բերեգ» ծրագրի եթերում:
«Քանի որ բոլորը հավասար են: Բոլոր դիմումներն Ուկրաինայի գլխավոր դատախազություն նույնանման դատավարական կարգավիճակ ունեն»,- ասել է նա:
Միաժամանակ, նա չի նշել՝ որ հոդվածով է հարուցվել քրեական գործը:
Ավակովը սկանդալի կենտրոնում է հայտնվել փետրվարին: Youtube-ում հայտնվել էր տեսանյութ, ինչպես նշվում էր՝ Ալեքսանդր Ավակովին (ՆԳՆ ղեկավարի որդին) և Սերգեյ Չեբոտարին (այն ժամանակ Ավակովի տեղակալը) նման մարդկանց միջև ՆԳՆ-ի համար թիկնապայուսակներ գնելու մասին: «Ազատություն» ռադիոկայանը ենթադրել էր, որ խոսքը կարող է լինել կոռուպցիայի մասին՝ ՆԳՆ-ն թիկնապայուսակներ է գնել կեղծ ընկերությունից:
Լրագրողների տվյալներով՝ տեսանյութը նկարահանվել է թաքնված տեսախցիկով պետական գնումների համար պատասխանատու Չեբոտարի աշխատասենյակում:
Ավակովը հերքել էր իր ընտանիքի մասնակցությունը թիկնապայուսակների գնմանը և հայտարարել, որ այդ գնման տենդերային գործընթացը թափանցիկ է եղել: Դատախազ Վլադիսլավ Կուցենկոն, իր հերթին, հայտարարել է, որ իրավապահները կուսումնասիրեն տեսանյութը և որոշում կընդունեն:
Հակակոռուպցիոն բյուրոյի հետաքննության տվյալներով՝ գնումն իրականացվել է բարձր գներով, իսկ տենդերի հաղթողների ընտրությունը տեղի է ունեցել ՆԳՆ նախկին ղեկավարի տեղակալի անձնական միջամտությամբ, ընդ որում՝ ապրանքն այդպես էլ ամբողջությամբ չի մատակարարվել:
