ԱՄՆ գլխավորությամբ արևմտյան կոալիցիան ստեղծված կապի ալիքներով կապվել է ռուսական կողմի հետ` Սիրիայի Էլ-Հասակա գավառի միջադեպի կապակցությամբ, որին մասնակցել են Սիրիայի ռազմաօդային ուժերը և կոալիցիայի ուժերը: Այդ մասին հայտնել է Պենտագոնի նարկայացուցիչ Էդրիան Ռենկայն Գելոուեյը, հայտնում է RIA Novosti-ն:
«Մենք հատուկ կապի ալիքներով անմիջապես կապվել ենք ռուսների հետ ԴԱԻՇ-ի դեմ ստեղծված կոալիցիոն ուժերի թռիչքների անվտանգության ապահովման համար: Ռուսաստանը հայտարարել է, որ դա ռուսական ինքնաթիռներ չեն: Մենք պարզ հասկանալ տվեցինք, որ կոալիցիայի ինքնաթիռները կպաշտպանեն իրենց ցամաքային զորքերին, եթե սպառնալիք լինի»,- ասել է Ռենկայն Գելոուեյը:
Ավելի վաղ հաղորդվել է, որ արևմտյան երկրների կոալիցիան օգոստոսի 18-ին ինքնաթիռներ է ուղարկել Էլ-Հասակա հատուկ ջոկատայինների պաշտպանության համար:
