Կատալոնական «Բարսելոնա»-ի գլխավոր մարզիչ Լուիս Էնրիկեն ցանկանում է, որ թիմի առաջատար Լիոնել Մեսսին հնարավորինս շատ ներգրավվի թիմային խաղում։ Էնրիկեն այս մասին նշեց Մեսսիի խաղային դիրքի վերաբերյալ հարցին ի պատասխան։
«Հաշվի առնելով այն, որ խոսքը մեր ուժեղագույն ֆուտբոլիստի մասին է, կարող եմ ասել, որ ավելի լավ կլինի, որ նա հնարավորինս շատ ներգրավվի թիմային խաղում։
Կարծում եմ՝ Իսպանիայի առաջնությունը բարդ մրցաշար է։ Իհարկե, մեր մրցակիցներին քաջ ծանոթ ենք։ Բայց նախընտրում եմ կենտրոնանալ «Բարսելոնա»-ի վրա և մոռանալ նրանց»,- Էնրիկեի խոսքերը մեջբերում է Marca-ն։
