Աղջիկը, ում աջ ոտքը ի ծնե կարճ էր ձախից, որոշել էր ինչ էլ լինի՝ բարձրակրունկ կոշիկներ կրել դպրոցական ավարտական երեկոյի ժամանակ: Դրա համար նա ընտրեց ոտքի անդամահատման միջոցը։
Բժիշկները նրա աջ ոտքի փոխարեն պրոթեզ են դրեցին, որի շնորհիվ նա կարողացավ իրականացնել նորմալ կյանքով ապրելու իր երազանքը:
Ամեն ինչ սկսվեց այն բանից հետո, երբ Իզաբել Պապանդրոնիկոսը լսեց պրոթեզի մասին, որը հատուկ մշակված էր բարձրակրունկ կոշիկներ կրելու համար: Երբ այդ մասին նա տեղեկացրեց ծնողներին, նրանք սկսեցին գումար հավաքել: Այսպիսով, 8000 դոլար արժողությամբ վիրահատությունն Իզաբելին թույլ տվեց իր ավարտական երեկոյին կրել գեղեցիկ, արծաթափայլ բարձրակրունկ կոշիկներ, ինչպես նաև շքեղ կարմիր զգեստ, հաղորդում է Mail Online-ը:
«Անդամահատումից առաջ ես կրում էի հատուկ մետաղե հենարան, որը պետք է օգներ իմ ոտքին աճել: Ես կարողանում էի կրել միայն կիսաշրջազգեստներ կամ կարճ տաբատներ, ես նույնիսկ չէր կարողանում ջինս կրել: Ես ասացի իմ ընտանիքին, որ ցանկանում եմ անդամահատել ոտքս, և նրանք աջակցեցին ինձ»,- ասել է Իզաբելը:
