Ադրբեջանական Trend լրատվական գործակալությանը տված հարցազրույցում ԵԱՀԿ Մինսկի խմբի ամերիկացի համանախագահ Ջեյմս Ուորլիքը հայտարարել է, որ անհրաժեշտ է պահպանել դրական պահը Ղարաբաղյան բանակցային գործընթացում:
Դիվանագետի խոսքով՝ ԵԱՀԿ Մինսկի խմբում համանախագահող երկրները հավատարիմ են Հայաստանի ու Ադրբեջանի նախագահների միջև երկխոսության շարունակմանը:
Ուորլիքը հայտնել է, որ համանախագահներն ուսումնասիրում են երկու երկրների ղեկավարների հաջորդ հանդիպման կազմակերպման հնարավորությունը:
«Ներկա դրությամբ չկան տարածաշրջան այցելելու որոշակի ծրագրեր, սակայն մենք մշտապես շփումների մեջ ենք կողմերի հետ՝ կապված նախագահների հաջորդ հանդիպման նախապատրաստման հետ:
Վիեննայի ու Սանկտ Պետերբուրգի հանդիպումները որոշակի արդյունքներ են տվել շփման գծում բռնությունների նվազեցման համար: Բանակցային գործընթացը վերականգնվել է, ձեռք է բերվել բռնությունների ռիսկերը նվազեցնելու համաձայնություն»,- նշել է Ջեյմս Ուորլիքը:
