«Հայաստանի նախագահը հենց այնպես Մոսկվա չի գնում, նա գնում է որոշակի դիրեկտիվներ և ցուցումներ ստանալու: Այս մասին «Առաջին լրատվական»- ի հետ զրույցում ասաց «Ազատ դեմոկրատներ» կուսակցության փոխնախագահ Անուշ Սեդրակյանը: – Եվ, ցավոք, մենք ունենք մի քանի փոխզիջում. առաջինը՝ մեր գազային պայմանագրի մեջ տեղի ունեցած փոփոխություններն անմիջականորեն խփում են մեր տնտեսությանը, որովհետև մենք դարձյալ կորցնողի դերում ենք, երկրորդը՝ հայտարարությունն այն մասին, որ Հայաստանն աջակցում է Սիրիայի շրջանում Ռուսաստանի վարած քաղաքականությանը:
Սիրիայում վարած քաղաքականության մեկ մասն է նաև Թուրքիայի հետ հարաբերությունների սրացումը, որը կարող է անմիջական ռազմական վտանգ հանդիսանալ Հայաստանի համար: Եվ այդ վտանգի շրջանակներում հրապարակել ինֆորմացիա առ այն, թե ինչ զինամթերք, ինչ տեսականի ունի Հայաստանը. ո՞վ կարող է երաշխավոր լինել, որ Ռուսաստանը, որ հիանալի տեղյակ է մեր ռազմական պոտենցյալից, վաղը մյուս օրը ոչ բացահայտ, այլ թաքուն այդ ստրատեգիական ինֆորմացիան չի տրամադրի մեր ստրատեգիական թշնամուն՝ Ադրբեջանին, որը շատ ավելի վտանգավոր է, քան Թուրքիան ներկայիս համատեքստում»:
Անուշ Սեդրակյանի դիտարկմամբ՝ այդ բոլոր տրամաբանական, քաղաքական և դիվանագիտական քայլերը փաստում են , որ մենք չենք կարողանում լիարժեք իրականացնել մեր երկրի սահմանների և դիվանագիտական շրջանակների պաշտպանությունը, որովհետև Հայաստանը ինքնիշխան երկիր լինելու դեպքում այդպիսի հայտարարություն չէր անի:
Անուշ Սեդրակյանի կարծիքով՝ Հայաստանին ռուս-թուրքական պատերազմի մեջ ներքաշելու դիվանագիտական առաջին քայլն արդեն արված է. «Չպետք է մոռանալ, որ Թուրքիան մեր անմիջական հարևանն է»:
Մանրամասները՝ տեսանյութում:
