Այսօր Երևանում տեղի է ունեցել հայ-բելառուսական տնտեսական հանձնաժողովի նիստը, որի արդյունքում Հայաստանի ու Բելառուսի էկոնոմիկայի նախարարները հետագա համագործակցության արձանագրություն են ստորագրել:
Էկոնոմիկայի նախարար Կարեն Ճշմարիտյանն ասաց, որ Բելառուսի հետ մենք ունենք առևտրաշրջանառության 48 տոկոսի անկում: «Բայց հատկանշական է, որ անկումը Բելառուսից Հայաստան այն ապրանքների գծով է, որոնք երրորդ երկրներից Բելառուսի Հանրապետությունով եկել են Հայաստան 2014-ին, իսկ բելառուսական ծագման ապրանքների ներմուծումը Հայաստան ավելացել է 10 տոկոսով»,- ասաց նախարարը՝ հավելելով, որ գումարային առումով Հայաստանից Բալառուս արտահանման անկում է եղել:
Չնայած ՀՀԿ-ի հետ բանակցող ՀՅԴ-ն արդեն հրապարակել է իր էկոնոմիկայի նախարարի անունը, Կարեն Ճշմարիտյանը հրաժարվեց պատասխանել իր հեռանալու առթիվ մեր հարցին: Այնպես որ նախարարից հնարավոր չեղավ ճշտել, թե ինչպես է գնահատում Արծվիկ Մինասյանի թեկնածությունը, ինչ վիճակում է նրան թողնում տնտեսությունը, և արդյոք իրեն որևէ պաշտոն առաջարկվե՞լ է:
Մանրամասները դիտեք տեսանյութում:
