Մեծ Բրիտանիայի վարչապետ Դևիդ Քեմերոնը հայտարարել է, որ չի շտապի ԵՄ-ում Միացյալ Թագավորության դերի փոփոխության մասին համաձայնագրի ընդունման հարցում, քանի որ այդ փաստաթուղթը պետք է համապատասխանի Լոնդոնի պահանջներին: TASS-ի հաղորդմամբ՝ այս մասին նա հայտարարել է Եվրախորհրդի երկօրյա գագաթնաժողովին ժամանելուց հետո, որում կքննարկվի ԵՄ բարեփոխումը:
Միաժամանակ, Քեմերոնը հույս է հայտնել, որ մի շարք վիճելի հարցերում փոխզիջման հասնելու հույս ունի: «Լավ աշխատելով՝ մենք կկարողանանք ԵՄ-ի հետ համաձայնություն ստանալ»,- ասել է նա լրագրողներին՝ նշելով, որ գագաթնաժողովի ընթացքում մտադիր է «պայքարել բրիտանական շահերի համար»:
ԵՄ բացվող գագաթնաժողովը որոշիչ կդառնա միությանը Մեծ Բրիտանիայի անդամակցության հարցում: Այդ մասին հայտարարել է Եվրախորհրդի ղեկավար Դոնալդ Տուսկը՝ միության երկրների ղեկավարների հանդիպմանը ժամանելով:
Նա նաև նշել է, որ Բրյուսելն ու Լոնդոնը ԵՄ բարեփոխման վերաբերյալ համաձայնագրին հասնելու «ճանապարհի կեսին են»:
