ԱՄՆ նախկին պետքարտուղար Հիլարի Քլինթոնը և սենատոր Բեռնի Սանդերսը, ովքեր հավակնում են Դեմոկրատական կուսակցությունից ԱՄՆ նախագահի պաշտոնին, աջակցություն են հայտնել միգրացիոն բարեփոխում անցկացնելու Բարաք Օբամայի նախաձեռնությանը։ Այս մասին հայտնում է RIA Novosti-ն։
«ԱՄՆ-ում այժմ ապրում է 11 մլն մարդ, ովքեր չունեն անհրաժեշտ փաստաթղթեր։ Եվ ես վստահ եմ, որ մենք պետք է նրանց շանս տանք»,- ասել է Սանդերսը հեռուստադեբատների ժամանակ, որոնք անցկացվել են Միլուոկի քաղաքում (Վիսկոնսին)։ Նա խոստացել է ձեռնարկել էլ ավելի լուրջ քայլեր այդ ուղղությամբ, քան անում է Օբաման։
Քլինթոնը նույնպես աջակցել է Օբամայի միգրացիոն բարեփոխմանը՝ դեմ արտահայտվելով ռասային տարանջատմանը։ «Մենք պետք է երկրից արտաքսենք հանցագործներին, սակայն ոչ այն անօրինական ներգաղթյալներին, ովքեր ուժերի ներածի չափով աշխատում են»,- ասել է նա։
Հեռուստադեբատների ընթացքում, որոնք հեռարձակել է PBS հեռուստաալիքը, խոսքը հիմնականում եղել է ներքին հարցերի մասին՝ սոցապահովագրության, օրենսդրական գործընթացների, առողջապահության։
