Բերքշիր կոմսության Վինձոր քաղաքում ապրում է 850-ից ավելի միլիարդատեր, գրում է The Daily Mail-ը: Ինչպես ընդգծում է թերթը, դա Միացյալ Թագավորության բնակավայրերի շրջանում առավել բարձր ցուցանիշ դրսևորած վայրն է միլիոնատերերի թվով:
Վինձորի ամենահայտնի հարուստ բնակչուհին Եղիսաբեթ 2-րդն է: Բացի այդ, այնտեղ են բնակվում երգիչ Էլթոն Ջոնը, երգչուհի Նատալի Իմբրուլյան, գոլֆիստ Նիկ Ֆալդոն:
Բրիտանիայի ամենահարուստ քաղաքացիներով բնակեցված քաղաքների վարկանշային աղյուսակը կազմել են WealthInsight-ի փորձագետները:
Նրանք ուսումնասիրել են այն մարդկանց տեղեկությունները, որոնց կարողությունը գերազանցում է 1 մլն դոլարը:
Հետազոտության ընթացքում նաև պարզվել է, որ վարկանշային աղյուսակի բնակավայրերի 10-ից 8-ը գտնվում են Լոնդոնից 48 կմ հեռավորության վրա:
Մասնավորապես, դա Վեյբրիջն է ու Սևենոքսը: Երկու առավել «հեռավոր» քաղաքներն են Հեյլն ու Օլդերլի-Էջը, որտեղ նախընտրում են բնակվել «Մանչեսթեր Յունայթեդ» ակումբի խաղացողները:
