Իրանի կառավարության մամլո քարտուղարը հերքել է ավելի վաղ արևմտյան մի շարք ԶԼՄ-ներում հայտնված տեղեկատվությունն այն մասին, որ երկրի նախագահ Մահմուդ Ահմադինեժադին սպառնում է մտրակի հարվածներ նախընտրական քարոզարշավի ժամանակ թույլ տված խախտումների համար՝ հաղորդում է IRNA գործակալությունը:
Իրանի կառավարության մամլո քարտուղար Ղոլամ Հուսեյն Էլհամը հայտարարել է, որ նախագահի գործողություններում որևէ խախտումներ չկան, քանի որ նա գրանցմանը ներկա է գտնվել որպես անհատ, ոչ թե որպես պետության ղեկավար: Բացի այդ, օրենքի համաձայն՝ ընտրական քարոզարշավը պաշտոնապես սկսվում է միայն թեկնածուների հաստատումից հետո:
Ավելի վաղ ԶԼՄ-ները հաղորդել էին, որ Իրանի դիտորդական խորհուրդը հայց է ներկայացրել Ահմադինեժադի դեմ, ով ուղեկցել է իր համախոհ Էսֆանդիր Ռահիմ Մաշաիին նախագահական ընտրություններին մասնակցելու հայտ ներկայացնելիս, ինչը հակասում է իրանական օրենքներին: The Telegraph թերթի տվյալներով՝ նման խախտման համար Ահմադինեժադին կարող էր սպառնալ մտրակի 74 հարված և տուգանք:
