«Մանչեսթեր Յունայթեդ»-ի գլխավոր մարզիչ Լուի վան Գալը խոստովանել է, որ իր համար ընդունելի է երկրպագուների քննադատությունը։
Անգլիայի Պրեմիեր լիգայի 23-րդ տուրում «Կարմիր սատանաներ»-ը սեփական հարկի տակ հաշվի նվազագույն տարբերությամբ զիջել են «Սաութհեմփթոն»-ին։
«Հիասթափված եմ, քանի որ չեմ արդարացնում երկրպագուների սպասելիքները։ Նրանք իրավունք ունեն ինձնից ավելին ակնկալել, իսկ ես չեմ կարողանում պատասխանել նրանց։
Չէ՞ որ նրանք նույնպես հասկանում են ֆուտբոլն ու գիտեն՝ ինչպիսին պետք է այն լինի։ Չեմ կարծում, որ նրանց դուր է գալիս մեր խաղը։ Ցանկանում ենք լինել եռյակում, բայց անհաջողությունը մեզ հետ է մղում»,- Վան Գալի խոսքերը մեջբերում է Sky Sports-ը։
