Ռուսական RIA Novosti լրատվական գործակալության փոխանցմամբ՝ աստվածային «արյունալի անձրևները», որոնք Իսպանիայի արևմուտքում տեղացել են նախորդ աշնանը, հանդիսացել են մթնոլորտի վերին շերտերում կարմիր ջրիմուռների հայտնվելու արդյունքում, ուր ձևավորվում են անձրևաբեր ամպերը։
Դրա մասին նշված է Spanish Royal Society of Natural History Journal-ում հրապարակված հոդվածում։ Նախորդ աշնան սկզբին, իսպանական Զամորա քաղաքի մոտ գտնվող գյուղերի բնակիչները կարծել են, թե սկսվել է աշխարհի վերջը, քանի որ գետերը, լողավազանները, ջրամբարները հանկարծակի սկսվել են լցվել կարմիր, արնագույն հեղուկով։ Աձրևաջուրը ներկված է եղել կարմիր գույնով։ Սալամանկայի համալսարանի գիտնականներն էլ պարզել են, որ դրա իրական պատճառը Haematococcus pluvialis անվանմամբ հայտնի կարմիր ջրիմուռներն են։
