ԱՄՆ-ում հետաքննություն է անցկացվում ՄԱԿ-ի ներկայացուցիչների շրջանում կոռուպցիայի գործով։ Այս մասին հայտնում է The Wall Street Journal -ը՝ հղում անելով իր աղբյուրին։ Քննության տվյալներով՝ ՄԱԿ-ի ներկայացուցիչները կաշառք են ստացել չինական Մակաո քաղաքում շինարարության համար։
Ինչպես հայտնել է պարբերականի աղբյուրը՝ այդ հետաքննությունը կարող է կապված լինել Մակաոյի անշարժ գույքի շուկայի խոշոր ներկայացուցչի ձերբակալության հետ։
Կասկածյալների թիվն ու նրանց անունները չեն հաղորդվում։ Նշվում է, որ որոշ կաշառքներ ստացվել են պաշտոնյաների կողմից Կարիբյան ավազանի երկրների հաշիվներով։
