ԱՄՆ-ում կայացավ բոդիբիլդինգի ուժեղագույն առաջնությունն աշխարհում` «Միսթեր Օլիմպիա»-ն: 50-րդ «Միսթեր Օլիմպիա»-ի տղամարդկանց գերծանր քաշայինների պայքարում ֆավորիտը մրցաշարհի քառակի և գործող չեմպիոն Ֆիլ Հիթն էր:
Երկրորդ տեղն անակնկալ կերպով զբաղեցրեց Դեքսթեր Ջեքոնը, ով այս տարի, ի տարբերություն նախորդ տարվա, հրաշալի մարզավիճակում էր գտնվում: Առաջին եռյակը եզրափակել է Շոուն Ռոդենը: Հանդիսականները նույնքան դժգոհ էին նաև Դենիս Ուոլֆի` 4-րդ հորիզոնականը զբաղեցնելու փաստից: Եգիպտոսը ներկայացնող Մեծ Ռեմին 5-րդ տեղում է:
«Չէի վախենում ծանրաբեռնված աշխատանքից ու գիտեի, որ հնարավոր է հասնել նման հաջողության: Դրա արդյունքում է, որ տեսնում եք այս ամենը հիմա:
Դեռ մամլո ասուլիսի ժամանակ ասացի, որ Դեքսթերը ֆանտաստիկ վիճակում է: Նա 45 տարեկան է, բայց գերազանց մարզավիճակում է գտնվում: Դեռ ետնաբեմում էի դա նրան ասել»,- նշել է Հիթը:
Նշենք, որ այս տարի մրցմանը չէր մասնակցում Ֆիլ Հիթի անմիջական մրցակից Կայ Գրինը, որի հետ կապված սկանդալային պատմության հետ կապված պաշտոնական տեղեկատվություն առայժմ չկա: Ոչ պաշտոնական տեղեկությունների համաձայն` Գրինը բոդիբիլդինգի համաշխարհային ֆեդերացիայից պահանջել է, որ մրցման ժամանակ բեմում լինի սեղան, որի վրա ցուցադրված կլինեն իր` սպորտային սնունդի նորաստեղծ բրենդի նմուշները: Նա պահանջել է դա կատարել անվճար ու անմիջապես մերժում ստացել:
Այնուհետև Կայը երկար ժամանակ հրաժարվել է մրցաշարին մասնակցության պայմանագիր ստորագրել: Արդյունքում` սահմանված ժամկետը լրացել է, և Կայ Գրինը բաց է թողել «Միսթեր Օլիմպիա»-ն:
1. Ֆիլ Հիթ – պարգևավճարը` 400.000 դոլար
2. Դեքսթեր Ջեքսոն – պարգևավճարը` 200.000 դոլար
3. Շոուն Ռոդեն – պարգևավճարը` 100.000 դոլար
4. Դենիս Ուոլֆ – պարգևավճարը` 55.000 դոլար
5. Մեծ Ռեմի – պարգևավճարը` 45.000 դոլար
