«Գահերի խաղը» հայտնի սերիալի աստղ Էմիլիա Քլարքը հրաժարվում է մերկ նկարահանվել տեսախցիկների առաջ և բողոքում է կինոյում սեքսի դեմ: Այս մասին հայտնում է Daily Mail-ը:
«Ես բրիտանուհի եմ, ուստի ինձ ընդհանրապես շփոթեցնում են այդպիսի տեսարանները: Ես դրանք տանել չեմ կարողանում: Չեմ սիրում, երբ դա բառացիորեն նետում են դեմքիս, և ընդհանրապես, կարծում եմ՝ պարզապես ակնարկը շատ ավելի էրոտիկ է, քան հենց սեքսի տեսարանը»,- ասում է 28-ամյա դերասանուհին:
Ըստ Քլարքի՝ ժամանակակից կինեմատոգրաֆը պետք է ավելի համեստ լինի. ինտիմ տեսարանների մեծ մասն էկրանին էժանագին են նայվում: «Էրոտիկ կադրերի մեծ մասը, որոնք դուք տեսնում եք կինոյում և հեռուստատեսությամբ, էժանագին են նայվում և պետք են միայն հանդիսատես գրավելու համար: Որքան քիչ սեքս կա էկրանին, այնքան լավ»,- նշել է դերասանուհին:
Թեև Քլարքը չի սիրում մերկանալ տեսախցիկի առաջ՝ «Գահերի խաղի» առաջին սեզոնում նա, այնուամենայնիվ, մասնակցել է որոշ բաց տեսարանների: Սակայն դրանից հետո պրոդյուսերներին ասել է, որ այլևս թոփլես չի նկարահանվի: Այժմ դերասանուհուն կրկնորդն է փոխարինում իր հերոսուհու մասնակցությամբ բոլոր էրոտիկ մասերում:
