Իրանում մինչև 6 տարեկան ավելի քան 200 հազար երեխա տառապում է թերսնումից՝ ասել է Իմամ Խոմեյնիի կոմիտեի սոցիալական օգնության և բժշկական ապահովագրության բաժնի տնօրեն Նասեր Իրավանիմանեշը: Այս մասին հայտնում է ILNA գործակալությունը:
«Իրանում շուրջ 12 հազար մարդ անբուժելի հիվանդ է: Մեր կոմիտեն կարող է օգնել նրանցից միայն 5000-ի բուժմանը»,- ասել է նա և հավելել, որ 5000-ից 3000-ը հիվանդ են տուբերկուլյոզով:
Իրավանիմանեշը հույս է հայտնել, որ մոտ ապագայում կոմիտեի ֆինանսավորումը կընդլայնվի, քանի որ դա անհրաժեշտ է հիվանդների պատշաճ խնամքի համար: Նա հավելել է, որ ծախսերը լիովին փակելու համար կոմիտեին անհրաժեշտ է ավելի քան 80 միլիոն դոլարի բյուջե:
Իմամ Խոմեյնիի կոմիտեն (Իմամ Խոմեյնիի օգնության հիմնադրամ) հիմնադրվել է 1979 թվականի մարտին՝ որպես բարեգործական կազմակերպություն աղքատ ընտանիքներին օգնություն ցուցաբերելու համար:
