ԱՄՆ նախագահ Բարաք Օբամայի վարչակազմը հրապարակել է ծրագրեր, համաձայն որի՝ հատուկ ծառայություններին կարող են փոխանցվել ԱՄՆ տարածքում ապրող բոլոր քաղաքացիների, նաև արտասահմանցիների տվյալները, որոնք հաշիվներ ունեն: Այս մասին հաղորդում է Reuters-ը:
Տվյալ քայլի հիմնավորումն այն է, որ հարված հասցվի ահաբեկչական կազմակերպությունների ու կազմակերպված հանցավոր խմբավորումների ֆինանսավորմանը:
Այդպիսով, անձնական ֆինանսական տվյալներին մատչում կարող են ստանալ Կենտրոնական հետախուզական վարչությունը և Անվտանգության ազգային վարչությունը: Մինչ այժմ նման իրավունք ուներ միայն Հետախուզությունների դաշնային բյուրոն:
Փաստաթղթում, որում ներկայացվում է այդ պլանը, նշվում է, որ դրա մանրամասն մշակումը գտնվում է նախնական աստիճանի վրա:
ԱՄՆ ֆինանսների նախարարության վիճակագրության համաձայն, 1 տարում հաղորդվում է քաղաքացիների հաշիվներում ավելի քան 15 մլն «կասկածելի ակտիվության» դեպքերի մասին: Մասնավորապես, «կասկածելի ակտիվության» տակ հասկացվում են 10 հազար դոլարից ավելի շատ փոխանցումները:
