Lionsgate կինոստուդիան համացանցում հրապարակել է «Սոված խաղեր. Ճայ-ծաղրասարյակ. մաս 2» ֆիլմի թիզերը, որը կթողարկվի 2015 թ. նոյեմբերի 18-ին: Մեկրոպեանոց հոլովակը տեղադրված է ընկերության YouTube-ի էջում: Դրանում երևում են մասսայական տեսարանների դերասաններ, ինչպես նաև գլխավոր դերակատարը՝ դերասանուհի Ջենիֆեր Լոուրենսը:
Հոլովակի վերջում երևում է գլխավոր հերոսուհի Քիթնիս Էվերդինը (Լոուրենսը)՝ Ճայ-ծաղրասարյակի կոստյումով, որը խորհրդանշում է ապստամբների շարժումը: Թիզերում հնչում է հետևյալ արտահայտությունը. «Ազատությունն արժե, որ դրա համար պայքարեն»:
«Սոված խաղեր» կինոշարքը հիմնված է ամերիկացի գրող Սյուզան Քլինզի համանուն գրքային եռագրության վրա: Առաջին ֆիլմը թողարկվել է 2012 թ., երկրորդը՝ մեկ տարի հետո: Երրորդ մասը բաժանել են երկու մասի, որոնցից առաջինն էկրան է բարձրացել 2014 թ.: Ֆրանշիզի բոլոր մասերը վարձույթում հավաքել են ավելի քան 2 մլրդ դոլար:
