2015թ. առաջին եռամսյակի տվյալներով՝ զբոսաշրջության ոլորտում անկում է գրանցվել: Այս մասին լրագրողների հետ զրույցում ասաց Ազգային վիճակագրական ծառայության պետ Ստեփան Մնացականյանը: Մինչդեռ այս տարի նիշվում էր Ցեղասպանության 100-րդ տարելիցը, և սպասելի էր, որ այդ առիթով շատ մարդիկ կգան Հայաստան, և ոլորտը աճ կգրանցի:
Իսկ ինչպե՞ս է ստացվում, որ եռամսյակային տվյալներով ներքին առևտուրը անկում է գրանցում, բայց տնտեսական ակտիվությունն աճում է 2,7 տոկոսով: «Ցավոք սրտի, մենք զբաղվում ենք միայն փաստագրմամբ»,- պատասխանեց Ս.Մնացականյանը՝ խուսափելով պատճառների մասին խոսել:
Ս.Մնացականյանը, սակայն, ընդունում է, որ պաշտոնական վիճակագրության նկատմամբ անվստահություն կա: Նա նաև հրաժարվեց կանխատեսել, թե այս տարի տնտեսական աճ կգրանցվ՞, թե՞ ոչ: «Լավագույն դեպքում դուք կարող եք կանխատեսել ձեր ընթրիքը, եթե գիտեք ձեր սառնարանի պարունակությունը»,- ասաց Ազգային վիճծառայության պետը:
