«Նոր քաղաքական մշակույթ ասելով, առաջին հերթին նկատի ունեմ այն, որ մենք չենք գնալու վերջին 25 տարում տարբեր ընդդիմությունների կողմից տրորված արահետով»։ Այս մասին «Հրապարակ» օրաթերթին տված հարցազրույցում նշել է ԱԺ անկախ պատգամավոր Էդմոն Մարուքյանը։
Թերթի հարցին, թե կարծես քայլեր եք անում այդ ուղղությամբ և չեք հերքում, որ կարող է կուսակցություն հիմնեք, Էդմոն Մարուքյանը պատասխանել է. «Նոր քաղաքական ուժ ստեղծելու վերջնական որոշում կայացվեց անցած տարվա դեկտեմբերի 4-ին, երբ խորհրդարանը քվեարկեց ԵՏՄ-ի պայմանագիրը։ Դրանից հետո իմ հայտնի ելույթն էր կառավարման ճգնաժամի նախագծի առիթով, որն ուղղված էր նաև ընդդիմությանը։ ԵՏՄ-ի քվեարկության ժամանակ ես մի բան հասկացա, որ Հայաստանի քաղաքական համակարգը , իր բոլոր հիվանդություններից բացի, նաև մեկ այլ շատ կարևոր հիվանդություն ունի, որ այն ծայրահեղ չբալանսավորված է, որի արդյունքում նաև մեր գործող պետական քաղաքականությունն իրականացվում է, փորձ է արվում բալանսավորել, բայց այն չի ստացվում, ինչու, որովհետև քաղաքական համակարգում դու ունես այդ դիսբալանսը, դու չես կարող պետական քաղաքականություն վարես բալանսավորված»։
Հարցազրույցն ամբողջությամբ՝ թերթի այսօրվա համարում:
