Հունիսին կսկսվի ճեպընթաց երկաթուղային մայրուղու շինարարությունը, որը կմիավորի Կալիֆոռնիայի կարևորագույն քաղաքները: Այս մասին հայտնում է Bloomberg-ը՝ վկայակոչելով շինարարության կապալառու Tutor Perini Corp.-ի հայտարարությունը:
1 300 կմ երկարությամբ երկաթուղին մինչև 2029 թ. կկապի Լոս Անջելեսը և Սան Ֆրանցիսկոն:
Ապագայում ենթադրվում է մայրուղու երկարացում մինչև Սան Դիեգո և Սակրամենտո:
Պայմանագրի համաձայն՝ Tutor Perini Corp.-ը մայրուղու առաջին 47-կիլոմետրանոց հատվածը կկառուցի 1 մլրդ դոլարով: Ընկերությունը հայտարարել է, որ ապագա ճեպընթաց մայրուղու համար հողերի գնման հետ կապված իրավիճակը թույլ է տալիս շինարարությունը սկսել հունիսին:
Ճեպընթաց մայրուղու 68 մլրդ դոլար արժողությամբ նախագիծը նախաձեռնել է Կալիֆոռնիայի ղեկավար Ջերրի Բրաունը: Սակայն նահանգի կառավարությունը դժվարություններ ունի նախագծի ֆինանսավորնան ապահովման հետ կապված՝ Հանրապետական կուսակցության կտրականապես դեմ լինելու պատճառով:
Հիմա Կալիֆոռնիան անհրաժեշտ գումարից միայն 13 միլիարդն ունի:
