Ոստիկանությունը կիրակի երեկոյան արցունքաբեր գազ է կիրառել ամերիկյան Կալիֆոռնիա նահանգի Օքլենդ քաղաքում ցույցը ցրելու համար, որտեղ ցուցարարները դեմ էին հանդես գալիս աֆրոամերիկացիների մահվան պատճառ դարձած իրավապահներին պատասխանատվության չենթարկելու երդվյալ ատենակալների դատարանի որոշումների դեմ: CNN-ի փոխանցմամբ՝ բազմությունը փակել էր քաղաքի խոշոր ավտոմայրուղին:
Ոստիկանությունը հայտարարել է, որ ցուցարարները ոստիկանների դեմ պայթուցիկ նյութեր են կիրառել, ինչն էլ արցունքաբեր գազի կիրառման հիմք է դարձել:
Բողոքի զանգվածային ակցիաներն ԱՄՆ-ում ծայր են առել այս տարվա օգոստոսին՝ այն բանից հետո, երբ սպիտակամորթ ոստիկան Դարեն Ուիլսոնը Ֆերգյուսոնում (Միսուրի) կրակեց անզեն 18-ամյա աֆրոամերիկացի Մայքլ Բրաունին: Ոստիկանը պատասխանատվության չի ենթարկվել:
Նոյեմբերի վերջին էլ Նյու Յորքի երդվյալ ատենակալների դատարանը որոշել է դատարանի առջև չկանգնեցնել սպիտակամորթ ոստիկանին, ով հուլիսին ձերբակալման ժամանակ խեղդամահ էր արել սևամորթ տղամարդուն:
