Մադրիդի «Ռեալ»-ի դարպասապահ Իկեր Կասիլյասը գովեստի խոսքեր է հղել իր թիմակցի` երիտասարդ հարձակվող Խեսեի հասցեին:
«Յուրաքանչյուր ակումբ պետք է հիմնվի իր սաների վրա, տղաների, որոնք սկսել են կարիերան այդ ակումբի դպրոցում: Զարմանալի չէ, որ «Ռեալ»-ի երկրպագուներն այսքան սիրում են Խեսեին, ով, ընդհանուր առմամբ, դեռ ոչնչի չի հասել:
Բացի այդ, նա հարձակման գծի ֆուտբոլիստ է, ում գործը գոլեր խփելն է: Այդ իսկ պատճառով հանրության սերն ապահովված էր նրա համար: Նա, իսկապես, «Ռեալ»-ի ապագան է:
Բացի գերազանց խաղային որակները նա ունի նաև առաջնորդի հատկանիշներ: Եթե չլիներ ցավալի վնասվածքը, որի արդյունքում նա երկար ժամանակով շարքից դուրս մնաց, Խեսեն արդեն իսկ մեկնարկային կազմի խաղացող կլիներ»,- Կասիլյասի խոսքերը մեջբերում է Marca-ն:
Հիշեցնենք, որ Խեսեն 8 ամսվա դադարից հետո խաղադաշտ էր վերադարձել «Կորնելիա»-ի հետ հանդիպմանն ու դարձել գոլի հեղինակ: «Ռեալ»-ը հաղթել էր 5:0 հաշվով:
