«Մանչեսթեր Յունայթեդ»-ի պաշտպան Լյուկ Շոուն վնասվածքի պատճառով ստիպված էր լքել խաղադաշտն Անգլիայի Պրեմիեր Լիգայի 12-րդ տուրում կայացած Լոնդոնի «Արսենալ»-ի դեմ հանդիպմանը: Daily Mail-ը հայտնում է, որ Շոուի վնասվածքն ընթացիկ մրցաշրջանում 40-րդն էր «կարմիր սատանաներ»-ի համար:
Չնայած կադրային խնդիրների առկայությանը, Լուի վան Գալի սաները 2:1 հաշվով առավելության են հասել Լոնդոնում նոյեմբերի 22-ին կայացած հանդիպմանը: Մրցաշարային աղյուսակում «Յունայթեդ»-ը զբաղեցնում է չորրորդ հորիզոնականը:
Խաղի ավարտից հետո «կարմիր սատանաներ»-ի հոլանդացի գլխավոր մարզիչը հայտարարել է, որ 19-ամյա Շոուն ազդրի վնասվածք է ստացել: