Բրազիլիայում իրավապաշտպանները հրապարակել են իրավապահների կողմից զենքի կիրառման սոսկալի թվեր: 2009-2013 թթ. ոստիկանների կողմից սպանվել է ավելի քան 10 հազար մարդ: Ոստիկանների արձակած փամփուշտներից օրական միջինը 6 մարդ է սպանվում՝ փոխանցում է Sky News-ը:
Սպանությունների վիճակագրությունը հրապարակել է «Հասարակական անվտանգության հարցերով բրազիլական ֆորում» կազմակերպությունը:
Համեմատության համար նշենք, որ ԱՄՆ-ում այդքան մարդ սպանվել է 30 տարում: Ըստ այդմ՝ պետք է հաշվի առնել երկրների բնակչության թիվը. ԱՄՆ-ում բնակվում է 315 մլն մարդ, Բրազիլիայում՝ 1.5 անգամ քիչ (202 մլն):
Իրավապաշտպանները հաստատում են, որ իրենց առավել դաժան են դրևորում Ռիո դե Ժանեյրոյի ոստիկանները: 2013-ին սպանվել է 416 մարդ: 2012-ին այս առումով ռեկորդակիր է եղել Սան-Պաուլու նահանգը: Այնտեղ իրավապահների ձեռքով սպանվել է 546 մարդ:
Համաձայն ընդհանուր վիճակագրության՝ 2013-ին Բրազիլիայում սպանվել է 50 806 մարդ: Դա նշանակում է, որ լատինաամերիկյան այդ երկրում սպանություն է իրականացվում ամեն10 րոպեն մեկ:
Զոհերի ճնշող մեծամասնությունը սևամորթ երիտասարդներ են:
100 հազար մարդուն բաժին ընկող սպանությունների թվով Բրազիլիան համաշխարհային ցուցակում 18-րդ տեղն է զբաղեցնում (25 սպանություն): ՄԱԿ-ի զեկույցի համաձայն՝ առաջին տեղում Հոնդուրասն է (90 սպանություն):
