Ի՞նչ նշաններ կան, որոնք վկայում են ամուսինների սիրո մասին:
Պաշտպանելու ցանկություն: Առաջանում է ինչպես տղամարդկանց, այնպես էլ կանանց շրջանում հավասարապես: Օրինակ՝ տղամարդը միշտ փորձում է կնոջը փաթաթել տաք շարֆի մեջ, բռնում է ձեռքը, փնտրում է ամենահարմար տեղը երթուղային տրանսպորտում:
Երկրորդ նշան՝ չկամ ես, բայց կանք մենք: Ամուսիններն առանց մտածելու ռեստորանում պատվիրում են ամեն ինչից երկու հատ: Չնայած երբեմն տղամարդիկ ցուցաբերում են բնությունից իրենց հատուկ էգոիզմ: Նրանք անսահման սիրում են իրենց կնոջը, բայց պաղպաղակ կամ գարեջուր գնում են միայն իրենց համար:
Երրորդ նշան՝ հայացքները: Ժամանակի ընթացքում ամուսինները կորցնում են հայացքի կապի կախարդանքը: Մարդիկ այլևս միմյանց չեն հպվում աչքերով, ինչի հետևանքով կարող է անհետանալ հոգու կապը: Այդ պատճառով՝ այն ամուսինները, որոնք քնքշությամբ են նայում իրար՝ անկեղծ սիրահարված են:
Չորրորդ նշան՝ միասին ձանձրալի չէ: Նրանք միասին անցկացնում են իրենց օրը՝ չվազելով ընկերուհիների կամ ընկերների մոտ: Ամեն դեպքում, եթե ամուսինները տարբեր հետաքրքրություններ ունեն, ապա նրանք փորձում են ընդհանուր գիծ գտնել: Նրանք ցանկանում են միասին ավելի շատ ժամանակ անցկացնել, քան թե ընկերոջ հետ կամ էլ մենակ:
Հինգերորդ նշան՝ օգնություն: Այո՛, տղամարդը պարտավոր չէ ամանները լվանալ, բայց և կինը պարտավոր չէ արդուկել նրա կոստյումը: Սիրող ամուսինները չեն պարզում, թե ով ում է պարտական, նրանք ուղղակի դա անում են իրենց սիրելի մարդու համար:
Վեցերորդ նշան՝ հարգանք և ընկերություն: Նրանց հարաբերությունները կառուցված են ոչ թե մեկ տարվա կրքի, այլ ամուսնության ամենաճիշտ ուղեկիցների՝ ընկերության և հարգանքի վրա: Գիտնականները վաղուց են ապացուցել այն փաստը, որ վառ սիրահարվածության վրա հիմնված ընտանիքները շատ արագ են քանդվել, իսկ այն զույգերը, ովքեր սկզբում ընկերություն են արել, իսկ հետո նոր սկսել են հանդիպել ՝ երկու անգամ ավելի քիչ են ամուսնալուծվել:
Յոթերորդ նշան՝ զիջել և համաձայնել: Սիրող մարդը միշտ կարող է մարել կոնֆլիկտը: Եթե ամուսինները քնքշանքով և սիրով են միմյանց վերաբերվում, ապա նրանցից մեկը վեճի ժամանակ անպայման կզիջի:
Ութերորդ նշան՝ խոսել: Ընտանիքներում հիմնականում շատ խնդիրներ են լուծվում՝ ինչ գնել, երեխային ինչ հագցնել, վճարել հաշիվները և այլ բազմաթիվ հարցեր: Իրականում մարդիկ չեն լսում միմյանց, չեն խոսում իրենց մտքերի մասին: Ամեն ինչ կանգ է առնում նոր զուգագուլպաների թեմայի վրա: Սիրող ամուսիններն այս հարցերը լուծում են արագ և աննկատ՝ ուշադրություն դարձնելով այն հարցերին, թե իրենց իրականում ինչն է հետաքրքիր:
Իններորդ նշան՝ անկողնում: Այստեղ էգոիզմի տեղ ու վերմակը իր կողմ ձգելու տեղ չկա: Սեքսը ընդունվում է որպես զգացմունքների արտահայտման միջոց, այլ ոչ թե ֆիզիկական պահանջ:
Տասներորդ նշան՝ լսել և հասկանալ: Նրանք փորձում են դա անել հանուն միմյանց: Չէ որ կարող ենք լսել հարազատ մարդուն. սիրող մարդիկ, ի հեճուկս ամեն ինչի, փորձում են հասկանալ սիրելիի արարքների դրվագները և լսել նրան:
