Հյուսիսային Ռեյնաի` Վեսթֆալիի արդարադատության նախարար Թոմաս Կուչատին առաջարկել է որոշ դեպքերում բանտը փոխարինել փողոցային մաքրությամբ և տուգանքով` վարորդական իրավունքից զրկմամբ:
Նախարարի կարծիքով՝ իշխանություններին անհրաժեշտ է իրականացնել պատժամիջոցների համակարգի կատարելագործում: Մասնավորապես նա հայտարարել է, որ տուգանքի կիրառումը հարկերից խուսափող հարուստ հարկատուի նկատմամբ անիմաստ է, քանի որ նրա անձնական բյուջեի վրա էական ազդեցություն չի ունենա: Որոշ դեպքերում, նրա կարծիքով, առավել արդյունավետ կլինի երկար ժամանակով վարորդական իրավունքից զրկելը:
Կուչատին առաջարկել է հրաժարվել տուգանքների վճարումը կալանքով փոխելու պրակտիկայից: Դա հիմնականում կիրառվում է այն դեպքերում, երբ իրավախախտը հնարավորություն չունի վճարելու օրինակ ճանապարհային երթևեկության կանոնների խախտման համար: Այդ դեպքում պետությունը կրկնակի է պարտվում` և՛ գումար չի ստանում, և՛ իրավախախտին բյուջեի միջոցների հաշվին պահում է բանտում:
Նախարարի փոխանցմամբ մեկօրյա ձերբակալությունը պետության համար կազմում է մոտավորապես 111 եվրո: Դրա փոխարեն ավելի լավ է նման իրավախախտներին ուղարկել փողոցները մաքրելու, այգիները կարգի բերելու, որպեսզի հասարակությանը օգուտ բերած լինեն: Ֆուտբոլի ֆանատներին անհրաժեշտ է արգելել գնալ խաղերին` տուգանքի սպառնալիքով: Սա դեռևս կարող է կիրառվել սահմանափակ դեպքերում և ֆուտբոլային միության համաձայնությամբ:
Իրավախախտը կարող է անձամբ դիմել իշխանություններին ձերբակալությունը հասարակական որևէ աշխատանքով փոխարինելու խնդրանքով: Սա կարելի է անել այն դեպքում, երբ չի կարող վճարում կատարել: Որպես կանոն՝ 6-ժամյա հասարակական աշխատանքը հավասարազոր է մեկօրյա բանտարկության:
Իրավախախտը կարող է նշել, թե որտեղ է ցանկանում աշխատել: Դրանք կարող են լինել և՛ մասնավոր հատվածում, և՛ պետական: Կարող է նաև աշխատել եկեղեցու համար:
