Սաուդյան Արաբիայի թագաժառանգ Սալման բեն Աբդել Ազիզ Ալ-Սաուդը Ծոցի Արաբական երկրների համագործակցության խորհրդի անդամներին (ԾԱԵՀԽ) կոչ է արել գալիք տարի Էր-Ռիյադում տեղի ունենալիք գագաթնաժողովի ժամանակ միավորվել մեկ կառույցում,-հայտնում է «Ալ-Արաբիա» հեռուստաալիքը:
«Այն, ինչ արվում է տվյալ փուլում, չի համապատասխանում մեր ձգտումներին»,- ասել է թագաժառանգը:
Նրա խոսքով՝ Պարսից ծոցի երկրների միավորվելը «նպաստավոր կլինի տարածաշրջանի բնակչության համար»:
Բահրեյնի թագավոր Համիդ բեն Իսա Ալ Խալիֆան էլ հայտնել է, որ գագաթնաժողավի մասնակիցեներն ուղիներ են փնտրում Պարսից ծոցի միապետություններում անվտանգությունն ապահովելու համար:
Արաբական աշխարհում երկու տարի առաջ բռնկված ազգային հուզումները Պարից ծոցին, մանավորպես՝ Բահրեյնին ու Քուվեյթին ևս վնասել են: Միևնույն ժամանակ, նավթով հարուստ շատ միապետություններում քաղաքական ու տնտեսական իրավիճակը կայուն է մնում:
1981-ին ստեղծված ԾԱԵՀԽ-ը միավորում է Պարսից ծոցի 6 միապետություն՝ Բահրեյնը, Կատարը, Քուվեյթը, ԱՄԷ-ն, Օմանը և Սաուդյան Արաբիան:
