Բրիտանական The Telegraph պարբերականը ներկայացնում է Լոնդոնի թանգարանների և պատկերասրահների լավագույն խանութները: Բրիտանական թանգարանի խանութում կարելի է գտնել հայտնի ցուցանմուշներ, ինչպես նաև ապրանքներ, որոնք կապ ունեն ժամանակակից արվեստների հետ:
Կայսերական պատերազմի թանգարանի խանութը խոհանոց է հիշեցնում: Այնտեղ վաճառվում են բազմաթիվ յուրօրինակ իրեր, որոնք ոգեշնչված են թանգարանի ցուցանմուշներից: Ուշագրավ են հնագույն կշեռքը և թխվածքաբլիթ հիշեցնող բարձերը:
Լոնդոնի Տրանսպորտի թանգարանն առաջարկում է լուսացույցներ, քարտեզներ, թեմատիկ գրքեր ու բաժակներ: Ուշագրավն այստեղ լոնդոնյան տաքսի հուշանվերն է:
Դիզայնի թանգարանում վաճառվում են հիասքանչ դիզայնով բազմազան ապրանքներ՝ կահույք, լամպեր, խոհանոցային պարագաներ և այլն: Այնտեղ է գտնվում նաև Բաթերսիի էլեկտրակայանի մանրակերտը: Այն հասանելի է 15 ֆունտով:
Մեծ Բրիտանիայի 5-դարյա ծովային պատմությունը չէր կարող իր արտացոլումը չգտնել Ծովերի ազգային թանգարանում: Այնտեղ կան տեսախցիկներ, լուսանկարներ և այլ հետաքրքրաշարժ իրեր:
Դիմապատկերների ազգային պատկերասրահում կարելի է գտնել պոստերներ, բացիկներ, աքսեսուարներ:
