Ամերիկյան Յուտա նահանգի իշխանությունները երեքշաբթի օրը ձերբակալել են 11-ամյա մի տղայի, որը զենք էր բերել դպրոց,- փոխանցում է Rosbalt-ը:
Ինտերնետ-ԶԼՄ-ները տեղեկացմնում են, որ երեխայի խոսքերով` ատրճանակն իրեն պետք է եղել ինքնապաշտպանության համար` անցած շաբաթ Կոնեկտիկուտ նահանգի Նյութաունի դպրոցում տեղի ունեցածի կրկնվելու դեպքում, երբ 20-ամյա հանցագործը հրաձգություն էր կազմակերպել տարրական դպրոցում` սպանելով 26 մարդու:
Երեխայի երկու համադասարանցիները, որոնց անունները չեն հրապարակվում, ուսուցչին պատմել են, որ տղան ատրճանակ ունի: Ուսուցիչն այդ մասին հայտնել է ոստիկանությանը:
Ոստիկանները տղայի պայուսակում չլիցքավորված ատրճանակ և փամփուշտներ են հայտնաբերել: Ոստիկանները ստուգում են տեղեկությունը, թե իբր երեխան զենքը պահել է մեկ այլ աշակերտի գլխին:
Հիշեցնենեք` դեկտեմբերի 14-ին 20-ամյա Ադամ Լանզան կրակ էր բացել Նյութաունի «Սենդի Հուկ» տարրական դպրոցում: Նա սպանել էր 27 մարդու, որոնց թվում` 5-10 տարեկան 20 երեխայի:
