Ռոբերտ Քոչարյանը, վերջերս «Ноев кивчег» թերթին տված հարցազրույցում խոսելով իր առողջական վիճակի մասին, ասել էր. «Ֆիզիկապես ամեն ինչ լավ եմ անում, քան հիսուն տարեկանում»: Առողջապահության նախարար Արմեն Մուրադյանին, ով ըստ խոսակցությունների, համարվում է Քոչարյանենց ընտանեկան բժիշկը, երեկ armtimes.com-ը այս կապակցությամբ մի քանի հարց է ուղղել.
– Պարոն Մուրադյան, ձեզ ինչպե՞ս է հաջողվել այնպես անել, որ Քոչարյանը 60 տարեկանում իրեն ավելի լավ զգա, քան 50-ում:
– Ես առհասարակ դա չեմ ուզում մեկնաբանել, քանի որ հարցը համարում եմ ոչ կոռեկտ:
… – Ի՞նչ միջոցներով կարելի է հասնել նրան, որ մարդը 60 տարեկանում ամեն ինչ ավելի լավ անի, քան հիսուն տարեկանում:
– Ա՛յ երբ դուք կդառնաք 60 տարեկան, ես հուսով եմ կկարողանամ ձեզ այդ խորհուրդը տալ: Ես պատրաստ չեմ հիմա ձեզ որևիցե այլ մեկնաբանություն տալ: Ոչ առարկայական է հարցը՝ ի՞նչ պետք է անի կամ չանի մարդը 60 տարեկանում, նաև՝ ոչ կոռեկտ:
