Ռուսական «Գոլոս Ռոսիի» ռադիոկայանի փոխանցմամբ՝ Վրաստանի Սահմանադրական դատարանն ընդունել է այն դրույթը, որով օտարազգիներին թույլ կտրվի միտինգներ կազմակերպել: Դրա համար չեղյալ են հայտարարվել «Հանրահավաքների ու ցույցերի մասին» օրենքի 5-րդ հոդվածի 3-րդ կետը:
Սահմանադրական դատարանը տվյալ որոշումն ընդունել է Վրաստանի խորհրդարանի դեմ Մոլդովայի բնակչուհի Մարիանա Կիկուի ներկայացրած դատական հայցի հիման վրա: Այդ որոշումն ընթերցել է դատավոր Մերաբ Սուրմավան: Որոշումը վերջնական է և ենթարկա չէ վերանայման: Նշվում է, որ Վրաստանի խորհրդարանը օտարազգիների համար միտինգներ անցկացնելու վրա արգելք էր դրել 2011 թվականին, երբ քաղաքական արենայում հայտնվել է ներկայիս վարչապետ Բիձինա Իվանիշվիլին:
