Լոնդոնյան ոստիկանությունը համաձայնել է 15 հազար ֆունտ սթեռլինգ (մետ 24 000 դոլար) փոխհատուցել կնոջը`վերջինիս դիմում-բողոքի վատ հետաքննության համար։ Այս մասին գրում է BBC News-ը: Կինը, ով բրիտանական մամուլում հայտնի է Ռեբեկա կեղծանունով, դիմել է Սքոթլանդ Յարդ 2005 թվականին, երբ 15 տարեկան էր: Դիմումը կապված էր բռնաբարության հետ:
Ռեբեկայի գործով այն ժամանակ զբաղվում էր ոստիկանության սեռական բռնությունների և ոտնձգությունների բաժինը, որը չուներ պրոֆեսիոնալ աշխատակիցներ:
Հետաքննության ձախողումից հետո Ռեբեկայի մոտ ընկճախտ է սկսվել, ինչն էլ թմրանյութերից և ալկոհոլից կախվածություն է առաջացրել:
Ոստիկանությանը պատասխանատվության ենթարկել որոշել էր Ռեբեկայի մայրը, ում աջակցել է «Կանայք ընդդեմ բռնաբարության» բարեգործական հիմնադրամը: 2009 թվականին նա հասել է այն բանին, որ ոստիկանության 4 աշխատակիցների նկատողություն են հայտարարել: Նույն թվականին ոստիկանությունում անցկացվել են բարեփոխումներ:
